Azərbaycanı təmsil edən İmran və İbrahim Novruzi qardaşları Türkiyənin Antalya şəhərində keçirilən Beynəlxalq Mental Arifmetika Olimpiadasında uğur qazanıblar.
AZXEBER.COM xəbər verir ki, Olimpiadada İmran Novruzi öz kateqoriyası üzrə birinci yerə layiq görülüb.
Onun kiçik qardaşı İbrahim Novruzi isə öz kateqoriyasında "Super Çempion" titulunu qazanıb. İbrahim Novruzi əldə etdiyi nəticəyə görə pul mükafatı da alıb.
Qeyd edək ki, oktyabrın 31-dən noyabrın 1-dək davam edən yarışda 16 ölkənin nümayəndələri iştirak ediblər.
