Müasir dövrdə demək olar ki, hər birimizin həyatında smartfonlar böyük və xüsusi rol oynayır. Bu cihazlar artıq həyatımızın istənilən aktivliklərində əvəzsiz köməkçimizdir. Səyahət etmək, müxtəlif tədbirlərə qatılmaq, restoranlarda nahar və istənilən yerdə rahat alış-veriş üçün smartfonlarda ödəniş və bonus kartlarını, səyahət biletlərini saxlamaq kimi bir çox imkanlar mövcuddur.
Bu gündən etibarən "Bank Respublika”nın kart sahibləri də Google Pay xidmətindən faydalana biləcəklər. İndi bank müştəriləri təmassız ödəniş texnologiyasını (NFC) dəstəkləyən Android və Wear OS əməliyyat sistemləri əsasında işləyən cihazlardan istifadə etdikdə, gündəlik alış-verişlərini tez və təhlükəsiz şəraitdə ödəyə bilərlər.
Google Pay istifadəçilərə mağazalarda (kontaktsız ödənişlərin qəbul edildiyi məkanlarda), tətbiqlərdə və internet üzərindən ödəniş edərək təhlükəsiz alış-veriş etmək imkanı verir.
"Bank Respublika”nın kart sahibləri Google Pay üçün kredit və ya debet kartlarını həmçinin bu gün ölkəmizdə istifadəyə verilən rəqəmsal pul cüzdanı olan Google Wallet-də saxlaya biləcəklər. Bir neçə təhlükəsizlik dərəcəsi ilə təchiz olunmuş Google Pay və Google Wallet xidmətləri ödənişləri daha təhlükəsiz edir.
Xüsusi tokonezasiya texnologiyası sayəsində ödəniş zamanı kartın nömrəsi və ya kart sahibinin digər məlumatları deyil, virtual kartın - yəni token məlumatları ötürülür. Token birbaşa cıhazınıza bağlanır və dinamik təhlükəsizlik şifrəsindən asılıdır, eyni vaxtda hər əməliyyat zamanı yenilənir.
Bu texnologiya kart sahibinin şəxsi məlumatlarını qorumağa imkan verir və telefonun itirilməsi və ya oğurlanması halında təhlükəsizliyinizi təmin edir. Siz asanlıqla "Cihazımı Tap” imkanından istifadə edərək, öz smartfonunuzu dünyanın istənilən yerindən dərhal bloklaşdırıb, yeni şifrə ilə qoruya və ya şəxsi məlumatlarınızı tam silə bilərsiniz.
Yuxarıda qeyd
olunan funksiyalar kartlarınız üçün nəzərdə tutulan bütün standart qorunma
normalarını üstələyir.
Google Pay xidmətindən Google Wallet tətbiqini
Google Play Store-dan yükləyərək və bankın Mobil Şöbə əlavəsi vasitəsi ilə
istifadə edə bilərsiniz.
Daha ətraflı məlumatı bankın rəsmi web saytında, facebook, instagram, linkedin səhifələrində və ya Bankın Çağrı Mərkəzinə 144 nömrəsinə zəng edərək əldə edə bilərsiniz.
