31 may tarixində “Mont İNN” Hotelində Azərbaycan Respublikasının Prezidenti yanında Gənclər Fondunun maliyyə dəstəyi ilə elan etdiyi C kateqoriyası üzrə “Biz bərabərik – Gözdən əlil insanlara dəstək” adlı layihənin açılış mərasimi keçirilib.
Açılışda gözdən əlil insanlara dəstək məqsədi ilə çəkilmiş sosial çarxın təqdimatı baş tutub. Sosial çarxda bu sahənin vacibliyini gənclərə çatdırmaq, təbliğat işlərinin aparılması, əhalinin məlumatlandırılması və maarifləndirilməsi, diqqətin artırılması göstərilib.
Tədbiri giriş sözü ilə açan layihə rəhbəri Dünya Fərzəliyeva bildirib ki, layihənin keçirilməsində məqsəd görmək qabiliyyətindən məhrum olan insanlara dəstək olmaqdır: “Biz onlara daha yaxın olmalı,qayğı göstərməlivə sübut etməliyik ki, onlar bu həyatda yalnız deyillər”.
Dünya Fərzəliyeva qeyd edib ki, Cənab Prezident İlham Əliyevin gənclərə, o cümlədən əlil gənclərə göstərdiyi qayğı hər kəsi çox sevindirir: “Son dövrlər ölkəmizdə açılan xüsusi təmayüllü xəstəxanalar, reabilitasiya mərkəzləri onların istifadəsinə verilib. Məsələn, gözdən əlil vətəndaşlar üçün tikilən reabilitasiya-bərpa mərkəzi isə cəmiyyətin ən böyük uğurlarındandır. Gözdən əlil insanlar hal-hazırda həmin mərkəzin xidmətlərindın təmənnasız istifadə etmək hüququna malikdirlər”.
Azərbaycan Respublikası Əlil Cəmiyyətitəşkilatının üzvü İdrak Əliyev çıxışında əlilliyinin gündəlik həyatına təsirindən, lakin səbirlə bunu qarşıladığı və dövlətin onlara göstərdiyi qayğıdan danışıb.
Tədbirin qonaqları Azərbaycan Respublikası İnsan hüquqlari üzrə müvəkkilinin ixtisaslaşmış müşaviri, elmi-analitik sektorun baş məsləhətçisiMüqalib Mahmudov, Əlillərin cəmiyyətə inteqrasiyası İctimai Birliyinin sədriRamilə Mahmudova, Gənclərin təhsil, təlim, peşə və inkişaf mərkəzi İctimai Birliyinin sədriCavid Quliyev və Azərbaycan Respublikası Mədəniyyət və Turizm Nazirliyinin mədəniyyətşünaslıq üzrə elmi-analitik mərkəzin katibiƏbülfəz Babazadə çıxışlarında dövlət tərəfindən əlil insanlara göstərilən qayğı və diqqətdən söz açıb və bu tip layihələrin müntəzəm olaraq keçirilməsinin vacibliyini vurğulayıblar.
Qeyd edək ki, layihənin əsas məqsədi görmək qabiliyyətindən məhrum olan insanlara dəstək olmaq, onlara daha yaxın olaraq qayğı və həyatda tək olmadıqlarını nümayiş etdirməkdir.
