“Biz həm rusiyalı, həm də ukraynalı gənclərin dost olmasının tərəfdarıyıq. Bu istiqamətdə lazım gəlsə “Azərbaycan-Slavyan Gəncləri Assosiasiyası” olaraq vasitəçilik etməyə də hazırıq.”
Krımın Rusiyanın tabeçiliyinə keçməsindən dərhal sonra Ukraynanın bir neçə vilayətində vəziyyətin gərginləşməsi ölkənin infrastruktunun çökməsini ilə nəticələnməkdədir. Belə bir geosiyasi vəziyyətdə isə ən çox ziyan çəkən gənclərdir. Psixoloji təsirlə yanaşı, elm-təhsil sahəsində ciddi böhranın yaranması ölkədə haqlı narazılığa səbəb olur.
Bu və digər suallarla bağlı “Azərbaycan-Slavyan Gəncləri Assosiasiyası” İB-nin təsisçisi və sədri Səbuhi Abbasov AZXEBER.COM-a açıqlamasında deyib:
“Torpaqlarının bir hissəsini itirən və belə bir təhlükənin hələ də davam etdiyi, iqtisadi-siyasi böhran məngəsində can verən Ukrayna öz prezidentini seçdi. “Şokolad kralı” Poroşenko Ukraynanın yeni prezidenti oldu və gözləmədən də “Vaşinqton post” qəzetinə müsahibəsində verdi: “Biz müstəqilliyimiz uğrunda mübarizəyə hazırıq və bunun üçün Ukrayna Silahlı Qüvvələrini yaratmağımızı vacibdir” . Görünür Qərbyönümlü siyasət Rusiya ilə münasibətləri hələ çox gərginlikdə saxlayacaq. İstənilən halda qonşu və strateji əməkdaşlıq etdiyimiz dövlətlərin bu cür gərgin münasibətdə olması heçdə xoşagələn hal deyil. Təbii ki, bütün bu məsələlər ilk növbədə gənclərin inkişafına, xüsusilə də psixoloji durumuna ciddi təsir edir. Ukraynada təhsil sahəsindədə ciddi böhran yaşanmaqdadır. “Azərbaycan-Slavyan Gəncləri Assosiasiyası” olaraq biz bu durumdan çox narahatıq. Bizim təşkilatın missiyası böyükdür. Türk və slavyan xalqlarının gənclərinin tarixi bağlılığını qoruyub saxlamaq və gələcəkdə də inkişaf etdirmək fəaliyyətimizin ana xəttini təşkil edir. Belə bir missiya daşıyıcıları üçün iki slavyan ölkəsinin gərgin münasibəti qəti şəkildə qınanılır. Biz istədik ki, slavyan xalqları sülh və əmin-amanlıq içində yaşasınlar. Türk-slavyan qardaşlığı möhkəmlənməli, əməkdaşlıq daha da dərinləşməlidir. Biz həm rusiyalı, həm də ukraynalı gənclərin barışığının tərəfdarıyıq. Bu istiqamətdə lazım gəlsə ASGA olaraq vasitəçilik etməyə də hazırıq.”-deyə ASGA-nın təsisçisi və sədri Səbuhi Abbasov deyib.
