"Mançester Yunayted"dən rəsmən ayrılan Kriştiano Ronaldonu transfer etmək istəyən klubların sayı artır.
AZXEBER.COM Offsideplus.az-a istinadən xəbər verir ki, 37 yaşlı hücumçunu sıralarına qatmaq istəyən klubların sırasına Səudiyyə Ərəbistanının "Əl-Nəsr" komandası da qoşulub.
Nüfuzlu AS nəşrində yer alan məlumata görə, artıq sözügedən klub portuqaliyalı ulduza təklif də göndərib. Kriştiano bu təklifi qəbul edəcəyi təqdirdə, 3 il ərzində 225 milyon avro qazanacaq.
Mənbənin yazdığına görə, ulduz futbolçu qərarını tezliklə açıqlayacaq.
Qeyd edək ki, Ronaldonun da formasını geyindiyi Portuqaliya millisi DÇ-2022-də 1/8 final mərhələsinə vəsiqəni təmin edib.
