Milli Məclisin deputatı Gülşən Paşayeva bu gün Hədəf verilişinin qonağı olarkən Azərbaycan Prezidenti İlham Əliyev və Ermənistanın Baş naziri Nikol Paşinyanın Abu Dabidə keçirilən görüşü barədə fikirlərini bölüşüb.
AZXEBER.COM Deputat öz açıqlamasında bildirib ki, bu görüşün keçirilməsində heç bir vasitəçiyə ehtiyac olmayıb:
"Bu görüşün ən mühüm məqamlarından biri ondan ibarətdir ki, ikitərəfli formatda keçirilib və heç bir vasitəçiyə ehtiyac duyulmayıb. Bu, tərəflər arasında etimadın artdığını və irəliləyişin olduğunu göstərir", – deyə Gülşən Paşayeva qeyd edib.
Deputat əlavə edib ki, görüşün Abu Dabidə keçirilməsi neytrallıq və tərəfsizlik baxımından mühüm əhəmiyyət kəsb edir: "Tərəfsiz məkanda belə bir tədbirin baş tutması müsbət haldır və bu, sülh prosesinə əlavə dinamizm gətirə bilər".
Paşayevanın sözlərinə görə, bu görüşlər müxtəlif məkanlarda baş tutur və hər birinin sülhə töhfə verməsi baxımından önəmi böyükdür.
Oksana
