"Məktəblərə hücumların və direktorun avtomobilinin yandırılmasının sonu başqa yerlərə gedib çıxa bilər. Bunun sonu terrorla nəticələnə bilər. Vaxtilə deputat Fazil Mustafaya da sui-qəsd edilmişdi və bunun arxasında İran dayanırdı”.
AZXEBER.COM xəbər verir ki, bu sözləri politoloq Elxan Şahinoğlu Musavat TV-nin canlı efirində deyib.
O qeyd edib ki, dövlətin qayda-qanunlarına riayət olunmalıdır:
"Dövlətin qayda-qanunlarına riayət olunmalıdır. Eyni zamanda, uşaqlarımız da təhsilsiz qalmamalıdır. Həmin ailələrlə ayrıca görüşülməli, onlara vəziyyət izah olunmalıdır. Valideynlər qızlarının təhsil almasını istəyirlərsə, oturub düşünməlidirlər. Dini inancların olmasını başa düşürəm, amma həmin ailələr təhsilin vacibliyini anlamalıdırlar. Təhsildən kənarda qalanlar radikallaşa bilər və kənar qüvvələrin təsiri arta bilər. Ona görə də qarşılıqlı dialoq olmalıdır”.
Şahanə Ziyad
