“Facebook”-da Azərbaycanı, Azərbaycançılıq ideyasını təbliğ etmək məqsədi ilə “Dünyada mənim Vətənim-Azərbaycan” adlı səhifə açılıb
Bu MİRAS-ın keçirtdiyi “Dünyada mənim Vətənim” layihəsi çərçivəsində baş tutub.
Dünyanın ən məşhur sosial şəbəkəsi sayılan “facebook”da “Dünyada mənim Vətənim-Azərbaycan” adlı səhifə açılıb. Səhifənin açılması MİRAS Mədəni İrsin Öyərnilməsinə Kömək İctimai Birliyinin cari ilin fevral ayından başlayaraq həyata keçirtdiyi “Dünyada mənim Vətənim” layihəsi çərçivəsində baş tutub. Bu barədə AZXEBER.COM-a layihənin rəhbəri və eyni zaman da MİRAS İctimai Birliyinin Şimali Kipr üzrə təmsilçisi Cəfər Mənsimi məlumat verib. Məlumata görə, səhifə gənclərə ölkəmizin keçmiş və bugününkü tarixini, mədəniyyətini aşılamaq, onların dünyagörüşlərinin, həyata baxış tərzlərinin artmasına yardımçı olmaq məqsədi ilə açılıb.
Onun sözlərinə görə, səhifənin açılmasının başqa səbəblərdən biri də, Azərbaycanı, Azərbaycançılıq ideyasını, ölkəmizin həqiqətlərini, Dağlıq Qarabaq münaqişəsini dünya ictimaiyyətinin nəzərinə daha da dolğun şəkildə çatdırılmasına yardımçı olmaqdır.
Cəfər Mənsimi bildirib ki, bütün bunlara nail olmaq və eyni zaman da gənclərin mədəniyyət ocaqlarına teatr və kitabxanalara qarşı marağının artırılmasına çalışmaq məqsədi ilə səhifə də təbliğat işləri aparılır, xəbərlər, videolar və s paylaşılır.
Layihə rəhbərinin sözlərinə görə, səhifədə Ümummilli liderimiz Heydər Əliyev, Zərifə xanım Əliyeva, ölkə başçımız cənab İlham Əliyev, ölkəmizin birinci xanımı Mehriban xanım Əliyeva, millət vəkillərimiz və s bu kimi tanınmış insanların gördüyü işlər barəsində geniş məlumalar ingilis dilində yerləşdirilir və dünya ictimaiyyətinin nəzərinə çatdırılır.
Bundan başqa layihənin rəhbəri bildirib ki, səhifə də Dağlıq Qarabaq münaqişəsi, Heydər Əliyev Fondunun fəaliyyəti, tarixi-mədəni irsimiz, muzey, teatr və kitabxanalarımız və ökəmizin müxtəlif sahələrdə qazandığı uğurlar barəsində geniş məlumatlar əks olunur.
“Hazırda “facebook”-dan istifadə edən müxtəlif ölkə vətəndaşlarının bu səhifəyə cəlbi ilə bağlı işlər davam etdirilir. İnanrıq ki, səsimizin daha da dolğun şəkildə dünya ictimaiyyətinin nəzərinə çatdırılması üçün atddığımız bu addım insanlar tərəfindən də maraqla qarşılanacaqdır. Bu işdə həmvətənlərimi bizə dəstək olmağa çağır, onları https://www.facebook.com/DunyadaMnimVtnimAzrbaycan bu səhifəyə qoşulmağa dəvət edirəm. Onsuzda gənclərimiz çox vaxt saatlara “facebookda” zaman sərf edir. Burada gənclərimizin çoxsu “Salam-sağoldan” başqa bir iş görmürlər. Yaxşı olardı ki, onlar buna vaxt sərf etməkdsənsə, ölkəmizi burada təblliğ edə, daha çox xarici cətəndaşlarla ünsiyyətdə olardılar. Səhifə də paylaşılan mövzu ilə əlaqəsi olmayan rəy bildirən istifadəçilərin həm yazdıqları silinəcək, həm də onlar ban olunacaqlar. Bununla bağlı çox ciddi işlər görəcəyik. Bundan başqa açılan səhifəyə daha çox üzv cəlb etmək üçün yerli və xarici KİV-də reklamına çalışacayıq”-deyə Cəfər Mənsimi bildirilib.
Xatırladaq ki, “Dünyada mənim Vətənim” layihəsi bir sıra dünya universitetləri ilə əməkdaşlıq nəticəsində reallaşır. Layihə çərçivəsində gənclər bir araya gələrək öz ortaq tarixi mədəniyyətlərini bir-birləri ilə bölüşmək imkanı qazanırlar.
