Mayın 12-si axşam saatlarında Gəncədə küçədə döyülən və aldığı xəsarətlərdən xəstəxanada dünyasını dəyişən 18 yaşlı Elgün İbrahimola bağlı incəsənət adamlarınıən paylaşımlarına yeniləri əlavə olunub.
AZXEBER.COM xəbər verir ki, xəbər verir ki, müğənni İradə İbrahimova və aktyor Hikmət Rəhimov sosial media hesablarında bununla bağlı paylaşım ediblər.
"Bu körpəyə qıyan uşaqlar belədirsə, görün onların ata-anaları necədir. Cani nəslin təməlini qoyan ana-atadır. Görəsən, "Biz harada səhv etdik" deyirlər? Çətin! Bəlkə də qürurla ətrafda dolaşacaqlar. Ürək ağrısı... Əlimizdən nə gəlir ki?" deyə İradə İbrahimova paylaşımında qeyd edib.
Aktyor Hikmət Rəhimov isə hadisədə cəmiyyəti günahlandıraraq "Göte deyir ki, bir cəmiyyətin nə vəziyyətdə olduğunu bilmək istəyirsinizsə, onun teatrına baxın. Heç kim cəmiyyət üçün heç nə etmək istəmir. Nə qədər adamla söhbət etmək istədim, anladım ki, mümkün deyil. Boş-boş danışmağı əla bacarırıq. Bütün çəkdiyim filmlərin mövzusu sevgisizlik idi. Cəmiyyətin hara üz aldığını bilirdim. Bu, bir nəfərə maraqlı oldu? Qətiyyən. Çünki əyləncəsi yemək olan bir toplum, belə bir vəziyyətə gəlməlidir" sözləri ilə hadisəyə münasibətini bildirib.
Qeyd edək ki, Elgün Gəncədəki 34 saylı məktəbin 11-ci sinif şagirdi olub. O, bir neçə gün öncə buraxılış imtahanında yüksək nəticə göstəribmiş.
Aysel
