İtalyan musiqiçi Dağlıq Qarabağ icması ilə görüşdü
Bütün Xəbərlər
22:41 16.10.2012
1152
Bu gün “Dağlıq Qarabağ bölgəsinin Azərbaycanlı İcması” İctimai Birliyinin mərkəzi qərargahında İtaliyadan gəlmiş qonaq - G. Verdi adına konservatoriyanın xor və improvizə professoru Davide Gualieri ilə görüş olub. APA-nın məlumatına görə, görüşdə birliyin İdarə Heyətinin sədri Bayram Səfərov, İdarə Heyətinin üzvləri və Dağlıq Qarabağdan olan istedadlı gənclər iştirakı ediblər.Görüş həm Dağlıq Qarabağdan olan sakinlərin çıxışı, həm də Qarabağdan olan istedadların musiqili çıxışları şəraitində keçib. İH üzvü Ramiq Məhərrəmov öz çıxışında hazırda Qarabağda yaşayan ermənilərin müharibədən əvvəl orada yaşayan ermənilər olmadığını qeyd edərək, hazırkı cinayətkar və qorxaq rejimin hər cür vəchlə mövcud sistemi imkan qədər daha çox saxlamağa çalışdığını söyləyib.Ramiq Məhərrəmov qonağa müraciət edərək bildirib ki, bu problemin, Azərbaycan xalqının başına gətirilən müsibətlərin dünyaya çatdırılmasında onun kimi mədəniyyət nümayəndələrinin rolu və önəmi əvəzsizdir.Daha sonra, Xankəndi və Xocalı sakinləri görüşdə çıxış edərək, öz xatirələrindən və baş verən hadisələrin bilavasitə şahidi olduqlarından danışıblar.Musiqi fasilələri ilə davam edən görüşdə gənc və istedadlı qarabağlılar həm Azərbaycan həm də İtalyan mahnı nümunələri ilə qonağı valeh ediblər.
