Son dövrün ən çox müzakirə olunan musiqi qruplarından olan Manifest karyerası ilə bağlı mühüm qərar qəbul edib.
AZXEBER.COM xarici mətbuata istinadən xəbər verir ki, qrupun qurucusu və meneceri Tolqa Akış üzvlərin sentyabr ayında İstanbuldakı ortaq evlərini bağlayaraq tamamilə Londona köçəcəklərini açıqlayıb.
2025-ci ildə keçirilən Big5 Türkiye müsabiqəsindən sonra musiqi dünyasına sürətli giriş edən və qısa müddətdə xüsusilə gənclər arasında populyarlıq qazanan Manifest sentyabr ayında İstanbulla vidalaşacaq.
Qərarı sosial şəbəkə hesabında açıqlayan Tolqa Akış bildirib ki, qrup üzvləri sentyabrdan etibarən İstanbuldakı ortaq yaşayış məkanını tərk edərək yeni və beynəlxalq fəaliyyət mərhələsi üçün Londona köçəcəklər.
Akış həmçinin qeyd edib ki, Manifest hazırda qlobal miqyasda fəaliyyət göstərən bir musiqi şirkəti ilə müqavilə imzalamaq üzrədir.
Qrupun gələcək planlarına toxunan menecer, "Hər şey xəyal qurmaq və çalışmaqla başlayır. Yaxında yeni bir dövr başlayır", - deyə bildirib.
Gülay
