Mobil operator Göyçayda keçirilən ənənəvi “Nar” festivalında aktiv iştirak etdi
Hər zaman Azərbaycan xalqının zəngin keçmişi, adət-ənənələri və milli-mədəni irsinə bağlılıq nümayiş etdirən “Nar”, Göyçayda keçirilmiş ənənəvi “Nar” festivalında aktiv iştirakı ilə yadda qaldı. Mobil operatorun sadiq qaldığı dəyərləri, brendin ideyası və yeni loqosunu simvolizə edən nar, məhz uzun illər boyunca milli mədəniyyət nümunələrini özündə əks etdirmiş bir fəlsəfənin tərənnümüdür.
Məlumdur ki, Göyçay bütün dünyada məşhur olan Azərbaycan narının vətəni hesab olunur. “Nar” festivalı hər ilin noyabr ayında məhz bu rayonda möhtəşəm bayram atmosferində keçirilən bir tədbirdir.
Müxtəlif maraqlı müsabiqələr və əyləncəli oyunlarla müşayiət olunan görüş zamanı qurulmuş “Nar” çadırı ikiqat bayram əhval-ruhiyyəsinə səbəb oldu. Burada abunəçilərə 4 nəfərə pulsuz danışıq imkanı verən “Ailəm” paketi haqqında ətraflı məlumat verildi və tədbir iştirakçıları müxtəlif hədiyyələrlə mükafatlandırıldı.
“Nar” tərəfindən festival çərçivəsində təşkil edilmiş kompleks tədbirlər geniş ictimai marağa səbəb oldu. “Nar” bayramında iştirak edən media nümayəndələri “Nar” çadırına gələrək, mobil operator tərəfindən keçirilən tədbiri maraqla izlədi.
