Papua-Yeni Qvineya sahillərində 5,9 maqnitudalı zəlzələ qeydə alınıb.
AZXEBER.COM xəbər verir ki, bu barədə Avropa-Aralıq dənizi Seysmoloji Mərkəzi (EMSC) məlumat yayıb.
Qeyd olunub ki, yeraltı təkanların episentri təxminən 14,4 min nəfərin yaşadığı Kavienq şəhərindən 144 kilometr şimal-qərbdə yerləşib.
Zəlzələnin ocağı 26 kilometr dərinlikdə olub. Sunami təhlükəsi elan edilməyib.
