"Rusiya Prezidenti Vladimir Putin və Ukrayna Prezidenti Volodimir Zelenskinin iştirakı ilə Türkiyədə sammitin keçirilməsi barədə prinsipial razılığa gəlinib”.
AZXEBER.COM "Qafqazinfo”ya istinadən xəbər verir ki, bu sözləri Türkiyə XİN rəhbəri Hakan Fidan deyib.
O qeyd edib ki, liderlərin necə və hansı şərtlərlə görüşməli olduqları məsələsini 23 iyulda İstanbulda keçirilən danışıqlarda Rusiya və Ukrayna nümayəndə heyətləri müzakirə ediblər. Həmçinin bildirib ki, müzakirələr davam edərsə, nəticə əldə etmək mümkün olacaq.
Nazir vurğulayıb ki, Rusiya ilə Ukrayna arasındakı hərbi münaqişə təkcə regionda deyil, bütün dünyada çox ciddi nəticələrə səbəb olub və bu, daha genişmiqyaslı bir müharibəyə çevrilə bilər: "Bu, nüvə silahı istisna olmaqla bütün silahların istifadə olunduğu ağır və baha başa gələn bir müharibədir”.
