Safiye Soyman kişilərin xəyanətini normal qarşıladığını deyib.
AZXEBER.COM Türkiyə mediasına istinadən xəbər verir ki, məşhur müğənni Safiye Soyman İbrahim Tatlısəsin keçmiş həyat yoldaşı Derya Tunanın "Kişilərin əxlaqsızlıqda günahkar olduğunu düşünmürəm. Hətta gözəl qadına mən də dönüb baxıram” fikirlərini doğru qəbul etdiyini bildirib.
Jurnalistlər "İrem Derici və Cem Belevi olayı ilə bağlı nə demək istərdiniz? Cem bəyin ikinci telefonu ortaya çıxıb, eyni hal sizin ailədə yaşansaydı, nə edərdiniz?” sualına Safiye Soyman belə cavab verib:
"Əgər telefon iş ilə bağlı ikinci telefondursa, bunu normal qəbul edirəm. Əgər mənim də həyat yoldaşımın telefonu işdə və ya gizli yerlərdə qalarsa, mən də şübhələnərəm. Amma kişini sevirəmsə, heç vaxt o işlərə qarışmaram. Ona görə də əgər həyat yoldaşınızla yola getmək istəyirsinizsə, hər xırdalığa diqqət etməmək lazımdır. Əgər kişi xəyanət etdiyini sizə bildirirsə, onu həyatınızdan rədd edin”.
Jurnalistin "Deyirsiz ki, əgər kişi bunu gizli edirsə, onda bir az dözümlülük göstər?” sualına Soyman belə cavab verib:
"Bu, dözümlülük deyil, fərqində deyiləmsə, bunu edirsə, amma mənə hiss etdirmirsə, demək ki, mənə hörmət edir. Hər kişi xəyanət edir, əsas odur ki, mənə bunu hiss etdirməsin.”
Ayşən
