“Samsung Galaxy S5” smartfonunun qiymətində ciddi ucuzlaşma qeydə alınıb.
AZXEBER.COM Türkiyə mətbuatına istinadən xəbər verir ki, bu telefonların qiyməti ciddi sürətdə aşağı düşüb.
Cənubi Koreya istehsalı olan bu telefonların qiymətində sürpriz endirim olub.
Hindistanda satışa 860 dollara çıxarılan “Samsung Galaxy S5”in hazırda qiyməti 780 dollar olub.
Güman ki, bu endirim bir çox ölkələrdə, həmçinin Azərbaycanda da keçərli olacaq. Amma hələ ki, Samsung-dan bu endirimlə bağlı hər hansı rəsmi açıqlama verilməyib.
“IHS” şirkətinin hesablamalarına əsasən, “Samsung Galaxy S5” smartfonunun maya dəyəri 256 dollar məbləğindədir.
Şirkətin hesablamasına görə, qurğunun ən bahalı komponenti ekranıdır. Ekranın dəyəri 63 dollar təşkil edir.
Daxili və əməli yaddaşın ümumi dəyəri isə 33 dollar civarındadır. “Samsung”un aparatında barmaq izlərinin skaneri yalnız 4 dollar təşkil edir, halbuki “iPhone” smartfonunda bu komponentin qiyməti 15 dollardır.
Pulsometr modulunun qiyməti 1,45 dollar təşkil edir. Bir qurğunun quraşdırılması 5 dollara başa gəlir.
Onu da əlavə edək ki, sözügedən telefonun Azərbaycanda təxmini qiyməti 659 manatdır.
