Bu gün Bakıda "Xəzər İnşaat Həftəsi” çərçivəsində "BakuBuild 2019” sərgisi işə başlayıb.
Oktyabrın 21-nə qədər davam edəcək sərgidə dünyanın 23 ölkəsindən 280 şirkət iştirak edir. Sərgi-konfransında "Sultan Keramik”in də məhsulları yer alıb.
AZXEBER.COM xəbər verir ki, şirkət əsasən dam örtüyü, kərpic, üzlük daşları, keramik pilləkən, və daban daşı istehsalı ilə məşğuldur.
"Sultan Keramik” və "Klass” MMC-nin təsisçisi Sultanhəmid Hacıyevin sözlərinə görə, xüsusi layihə əsasında hazırlanan sobalar vasitəsilə keyfiyyətli və xarici təsirlərə dayanıqlı məhsul istehsalına nail olunub. O bildirib ki, istehsalda plastik gildən istifadə olunur.
O şirkət haqda deyib: Biz "Klass MMC" olaraq 2006-cı ildə fəaliyyətə başlamışıq. Azərbaycanın ən böyük kərpic istehsalçısı zavodlarından biriyik. Zavodumuz dam örtüyü, keramik, tavan daşı, pilləkan, divar üzlükləri, aqlayı əvəz edən üzlüklərin istehsalı ilə məşğuldur. Bunların istehsalına 1 ildir ki, başlamışıq. Zavodumuzda istehsal olunan məhsullar nəm alma, yük götürmə və sərtlik dərəcəsinə görə dünyanın 5 ən yaxşı zavodunun arasındadır.
Məhsullarımıza şaxtaya dözümlüyünə və rənginə görə rəsmi olaraq 50 il zəmanət veririk. Yoxlamalardan keçən məhsullarımız 100 dərəcə şaxtaya dözümlülük sınağından keçib və buna görə bizə beynəlxalq tələblərə uyğunluq haqqında sertifikat verilib. Ancaq buna baxmayaraq sınağın davam etdirilməsini xahis etmişəm. Bu gün məhsullarımızın 150 dərəcə şaxtaya dözümlülüyü sınaqdan keçirilib. Bugünkü sınaq dünyanın ən yüksək keyfiyyətli keramik olduğunun göstəricisidir.
Sultanhəmid Hacıyev deyib ki, "Sultan Keramik"in məhsulları artıq dünya bazarına ixrac olunur: Artıq yerli brendimiz olan "Sultan ceramik” sərhədləri aşaraq, xaricə də ixrac olunur. Bizim istehsal gücümüz Azərbaycanın tələbatından ən azı 10 dəfə çoxdur. Biz bunu zavodu tikəndə də fikirləşmişdik. Rusiya və Belarusiyadan sifarişlərimiz var. Çox güman ki, Səudiyyə Ərəbistanında keçiriləcək payız sərgilərində iştirak edəndən sonra bu ölkəyə də məhsullarımızı ixrac etməyə başlayacağıq.
Qeyd edək ki, "Sultan Keramik” Azərbaycanda bu üsulla məhsul istehsal edən ilk şirkətdir.
Rütubətə və zərbəyə davamlı, rəngi solmayan, gözəl görünüşə malik keramika məhsullarının qiyməti də sərfəlidir. Belə ki, keramitin qiyməti 10-14 AZN arası, üzlük daşlarının qiyməti isə 8-10 AZN arası dəyişir.
Məhsullara tam 50 il rəsmi zəmanət verilir!
Qeyd edək ki, "Sultan Keramik” 2006-cı ildə Azərbaycanda əsası qoyulmuş keramika şirkətidir.
Şirkət yarandığı gündən etibarən keyfiyyətli məhsul istehsalını əsas prioritet seçib.
"Sultan KeramiK” fəaliyyətində ətraf mühitin qorunmasına xüsusi əhəmiyyət verir. Fəaliyyətinin əsasını ətraf mühit, sosial sahə və korporativ idarəetməyə əsaslanan sistem (ESG) təşkil edir. Bütün məhsulları satışa çıxarılmadan əvvəl test olunur.
Şirkət Avropa və Asiya patentlərinə sahibdir.
Əlaqə nömrəsi: +994507002222
İnstaqram hesabı: @sultan_keramik
Veb-sayt: https://www.sultanceramic.com/
Məlumat üçün bildirək ki, "Sultan Keramik”in də iştirak etdiyi sərgi oktyabrın 21-dək davam edəcək.”Baku expo center”də keçirilən sərgiyə giriş ödənişsizdir.
