Əfqanıstanın Kabil hava limanının ətrafını qoruyan ABŞ Hərbi Dəniz Qüvvələri əfqanıstanlı xəstə uşağı atasından aldıqdan sonra tibbi yardım göstərib və sonra geri qaytarıb.
"RİA Novosti” xəbər verir ki, bu barədə Pentaqon sözçüsü Con Kirbi deyib.
O, əsgərlərin körpəni izdiham içərisində bir nəfərdən götürərək hava limanına doğru apardıqları sensasiyalı görüntülərə aydınlıq gətirib:
"Valideyn Dəniz Qüvvələrindən xəstə uşağa kömək istədi. Gördüyünüz kimi hərbçi uşağı hava limanında fəaliyyət göstərən Norveç xəstəxanasına aparır. Uşağı müalicə etdilər və sonra atasına qaytardılar”.
Kirbi hərbçilərin hərəkətini humanist addım adlandırıb.
