Türkiyənin ən məşhur qadın sənətçiləri səhnə performansları, televiziya layihələri və müxtəlif investisiyalardan əldə etdikləri gəlirlərlə diqqət çəkir.
Xüsusilə daşınmaz əmlak investisiyaları ilə sərvətlərini artıran bu sənətçilər Türkiyənin ən zəngin adamları sırasındadır.
AZXEBER.COM Türkiyənin ən zəngin 10 qadını və onların mal varlıqlarının siyahısını təqdim edir.
Siyahının ilk pilləsində uzun illərdir ekranların vazkeçilməz siması olan Seda Sayandır.
Daşınmaz əmlak investisiyaları ilə tanınan Sayan Etilerdə məşhur bir yer alması ilə diqqət çəkib. İstanbulda bir çox lyuks mənzil sahibi olan Seda Sayan Amerikada da daşınmaz əmlaka yatırımlar edir.
Siyahıda ikinci yerdə uğurlu səhnə performansları ilə tanınan Sibel Candır. Can yeni aldığı Beykozdakı dəbdəbəli malikanəsi və Nakkaştəpədə Boğaziçi mənzərəli villası ilə sərvətini daha da artırıb. Amerikada da investisiyaları olan sənətçi daşınmaz əmlak portfeli ilə diqqət çəkir.
Türkiyənin məşhur sənətçilərindən olan Sezen Aksu musiqi karyerasından əldə etdiyi gəlirdən ağıllı şəkildə istifadə edənlərdəndir. Aksu, Boğazdakı malikanəsi və daşınmaz əmlak investisiyaları ilə siyahıda 3-cü yerdədir.
Türk musiqisinin və kinomotaqrafiyasının önəmli adlarından biri olan Emel Sayın Marmarisdə oteli və İstanbulda malikanələri ilə zəngin qadın sənətçilər arasındadır. İllərdir səhnədən əldə etdiyi gəliri daşınmaz əmlak sektorunda istifadə edən Sayın bu siyahıya girməyi bacarıb.
Siyahıya sürpriz ad kimi daxil olan müğənni Aşkın Nur Yengi qazancını daşınmaz əmlaka yatırması ilə tanınır. Xüsusilə Beykozda prestijli bir yaşayış kompleksinə etdiyi sərmayələrlə diqqət çəkən sənətçi siyahıda beşinci yerdədir.
Səhnənin güclü səslərindən Ebru Gündeş bu illər ərzində əldə etdiyi astronomik gəlirlə ən zəngin qadın sənətçilər sırasındadır. Boğaziçi sahilində malikanəsi olan Gündeşin maldarlıq obyektləri və digər investisiyalarla da sərvətini artırdığı məlumdur. Bu da onu ən zəngin qadınlar siyahısında 6-cı yerdə qərarlaşdırıb.
Təvazökar şəxsiyyəti ilə tanınan Nilüfer, daşınmaz əmlak sahəsindəki sərmayələrini qiymətləndirən sənətçilərdəndir. Siyahının 7-ci pilləsində qərarlaşan sənətçinin adı daşınmaz əmlak zənginləri sırasındadır.
Son illərdə nəhəng konsertlər, televiziya proqramları və reklam müqavilələri ilə sərvətini artıran Hadisə siyahıda səkkizinci yerdədir. İstər ölkə daxilində, istərsə də xaricdə apardığı daşınmaz əmlak sərmayələri ilə sərvətini artıran sənətçi bacı-qardaşlarına da iqamətlər alıb.
Səhnənin və ekranın mavi gözlü gözəli Hülya Avşar da qazancını daşınmaz əmlak investisiyalarına yönəldir. İngiltərədə evi olan Avşar Türkiyədəki böyük sərmayələri ilə də diqqət çəkir.
Və nəhayət siyahının 10-cu pilləsində Demet Akalın qərarlaşıb. Bütün qazancını daşınmaz əmlaka yatıran Akalın, tez-tez sahib olduğu evlər və torpaq sahələri ilə gündəmə gəlir. Akalın bu sahədəki strategiyasını "Bütün qazancımı daşınmaz əmlaka yatırıram” deyərək təsdiqləyib.
Aysel Hacızadə
