Ukrayna Silahlı Qüvvələrinin Baş Qərargahı iddia edir ki, Rusiyada orduya yeni "gizli səfərbərlik” dalğası başlaya bilər.
Bu barədə idarənin noyabrın 27-də qurumun hesabatında deyilir.
Mövcud məlumata görə, Rusiya Federasiyasında və Ukraynanın müvəqqəti işğal olunmuş ərazilərində bu il dekabrın 10-dan etibarən Rusiya qüvvələrinin sıralarına gizli səfərbərliyin növbəti dalğasının keçirilməsi üçün hazırlıq tədbirləri davam etdirilir.
Rəsmi olaraq Kreml bu cür planları rədd edir.
Qeyd edək ki, sentyabrın 21-də Rusiyada qismən səfərbərlik elan edilib. Oktyabrın sonunda səfərbərliyin başa çatdığı və müharibəyə çağırış planının yerinə yetirildiyi elan olunub.
