Bir müddətdir ki, koronavirusa yoluxanların sayında xeyli azalma var. Buna görə də martın 6-dan etibarən karantin rejimi bir qədər yumşaldıldı. Amma hələ də bəzi ali məktəblərdə müəyyən günlər dərslər onlayn qaydada təşkil edilir. Bəs görəsən universitetlərdə ənənəvi tədris tam olaraq nə zaman bərpa ediləcək?
Koronavirusa yoluxma sayının azalması, eləcə də karantin rejimi çərçivəsində bir sıra yumşalmaların tətbiqi ali məktəblərdə ənənəvi dərslərin bərpa edilməsi məsələsini gündəmə gətirir. Bir sıra universitetlərdə dərslər həm onlayn, həm də ənənəvi formada təşkil olunur.
Dövlət İqtisad Universitetinin Tədrisin metodiki təşkili və keyfiyyət təminatı mərkəzinin direktor müavini Sevda Sərdarova deyir ki, adıçəkilən ali məktəbdə tədris həm onlayn, həm də ənənəvi qaydada təşkil edilir.
Bakı Dövlət Universitetinin mətbuat katibi Kəmalə Quliyeva bildirib ki, hazırda sözügedən ali məktəbdə dərslər hibrid formada davam etdirilir.
Tələbələr tədirisin ənənəvi formada davam etdirilməsini istəyirlər.
Məsələ ilə bağlı Təhsil nazirliyindən bildirilib ki, dərslərin hansı formada təşkili universitetlərin elmi şuralarının qərarlarına əsasən tənzimlənir.
AZXEBER.COM xezerxeber.az-a istinadla videomaterialı təqdim edir:
