Yelo Bank 2022-ci ilin üçüncü rübü üzrə maliyyə hesabatını açıqladı. Bank əsas maliyyə göstəriciləri üzrə pozitiv artım dinamikasını qorumaqla rübü tamamlayıb.
AZXEBER.COM xəbər verir ki, cari ilin əvvəlindən Bank 3.2 mln manat xalis mənfəət əldə edib. Hesabata görə üçüncü rübün sonunda Bankın cəmi aktivləri 795 milyon manatı ötüb.
Həm biznes, həm də istehlak kredit portfelində müsbət artım tendensiyası bu rüb
də davam edib. İlin əvvəlindən Yelo Bank-ın kredit portfeli 134 mln manat
artaraq 580 mln manat olub. Bu müddət ərzində portfelin mühüm hissəsini təşkil
edən biznes kreditlərinin həcmi 362 mln manata çatıb. Bu da ötən ilin
analoji dövrü ilə müqayisədə 60% artım deməkdir. Qeyd edək ki, kredit portfeli əsasən mikro,
kiçik və orta sahibkarların maliyyələşdirilməsi hesabına artıb.
Hesabat dövründə 6 mindən çox müştəriyə 53 mln manat istehlak krediti verilib.
Bu satışın 33%-i onlayn kanallar vasitəsilə həyata keçirilib. Nəticədə il ərzində
ümumi istehlak kredit portfelinin həcmi artaraq 200 mln manata yüksəlib.
Bu dövr üzrə əmanət portfelində də artım müşahidə olunur. İlin əvvəlindən 6
mindən çox müştəri 215 mln manatdan çox vəsaitini Yelo Bank-a etibar edib. Nəticədə
Bankın depozit portfeli 36%-lik çoxalma ilə 550 mln manatı keçib.
Eyni zamanda hesabat dövrü ərzində Bankın faiz gəlirləri ötən ilin analoji
dövrü ilə müqayisədə 35% artaraq 62 mln manata çatıb.
Hazırda Bankın məcmu kapitalı 93 mln manat təşkil edir. Bu göstərici də
requlyativ tələbdən 43 mln manat çox olmaqla Bankın güclü kapital dayanıqlığını
ifadə edir. Məcmu kapitalın adekvatlıq əmsalı 13.93%, birinci dərəcəli
kapitalın adekvatlıq əmsalı isə 8.44% olmaqla, hər iki göstərici üzrə tələb
olunan normanı üstələyir.
Yelo Bank-ın uğurları bununla bitmir. Nağdsız əməliyyatların
stimullaşdırılması istiqamətində Bank cari il ərzində mühüm layihələr və xidmətlər
təqdim edib. Bütün bunların nəticəsi olaraq 2022-ci ilin əvvəlindən Bankın
nağdsız ödəmə dövriyyəsi 70%-dək çoxalıb. Kart hesabındakı qalıq vəsaitlərin həcmi
isə ikiqat artıb. Bu tədbirlərin davamı kimi Yelo Bank il sonunadək daha bir
neçə innovativ funksionallıqların təqdim etməyiplanlaşdırır.
Bank xidmətləri haqqında əlavə sualınız var? O
zaman 981 nömrəsinə zəng edin və ya Facebook, Instagram və ya Whatsapp hesablarımıza yazın.
Yelo Bank – Parlaq bankçılıq!
