Venera ilə Saturn arasında kvadrat bucaq olacaq və onun təsiri 3 gün davam edəcək.
AZXEBER.COM xarici mediaya istinadən xəbər verir ki, bu barədə astroloq Dinçer Güner öz sosial media hesabında paylaşım edib.
O, paylaşımında bildirib:
" Sevgi və emosional mövzularda müəyyən məhdudiyyətlər yarana bilər, münasibətlərdə hiss baxımından məsafə və uzaqlaşma müşahidə oluna bilər. Estetik əməliyyatlar üçün bu dövr çox da uyğun deyil. Bu günlərdə özümüzü dəyərsiz hiss edə bilərik və ya başqaları bizə belə hiss etdirə bilər. Xoşlandığınız insanlara açılmaq üçün münasib bir zaman deyil, rədd cavabı alma ehtimalınız yüksəkdir.
Sağlamlıq baxımından isə reproduktiv orqanlar, sidik kisəsi, böyrəklər, boğaz və qalxanabənzər vəzlə bağlı problemlər yarana bilər.
Bu dövrdə partnyorunuzdan və ya həyat yoldaşınızdan yetərli diqqət və sevgi görməkdə çətinlik çəkə bilərsiniz. Münasibətiniz və ya evliliyiniz bir sınaqdan keçə bilər. Daha az sosiallaşacağımız, təkliyi üstün tutacağımız bir dövr ola bilər.
Sosial həyatda, dostlarla münasibətlərdə problemlər ortaya çıxa bilər.
Ətrafınızdakı insanlardan soyuq və sərt davranışlar görə bilərsiniz. Bədən baxımından da özünüzü rahat və xoşbəxt hiss etməyə bilərsiniz. Özünüzdə çatışmazlıqlar görə və ya özünüzü tənqid edə bilərsiniz. Maliyyə məsələlərində ehtiyatlı olmaq tövsiyə olunur.
Xərcləri gözdən keçirmək, büdcəni tarazlamaq və maliyyə qərarlarını daha diqqətlə vermək ehtiyacı yarana bilər".
Oksana
