4 yaşlı Aslanlı Raul leykozdan (qan xərçəngi) əziyyət çəkir.
Bu barədə onun anası Əsli Aslanova məlumat verib.
O bildirib ki, azyaşlının xəstəliyi bu ilin oktyabr ayında bəlli olub:
"Raul qan xərçəngi xəstələyindən əziyyət çəkir. 1 aya "Liv Bona Dea Hospital”da müalicəsinə 40 min manat pul xərclənib. Hələ ki yolumuz uzundur. Bizə bu yolda həm maddi, həm mənəvi dəstək lazımdır. Uşağımın xəstəliyilə ilə bağlı hazırda "Gaziosmanpaşa Hastanesi”dəyik. Həmin xəstəxanada ağır kimyaterapiya alır. Ümumi olaraq 140.000 $ vəsait tələb olunur. Sizlərin, yaxınlarının və xeyirxah insanların sayəsində 60.000 $ artıq yığılıb və kimyaterapiya üçün verilib. 1 ay sonra isə təcili ilik nəqli olmalıdır. Bunun üçün isə 80.000 $ vəsait lazımdır.
Xahiş edirəm bir daha birlik olaq Raulun əməliyyat məbləğini tamamlayaq. Oğlumun sizin dəstəyinizə ehtiyacı var. O, hələ çox kiçikdir və bu yaşında amansız xəstəliklə mübarizə aparır. İmkanlı şəxsləri bizim mübarizəmizə qoşulmağa çağırıram. O da bütün uşaqlar kimi gəzmək, oynamaq istəyir. Günlərimiz isə xəstəxanada keçir. Heç bir valideynə bu hissləri yaşamağı arzu etmirəm. Onu ölməyə qoymayın”.
