Aktauda yaşayan azərbaycanlı diaspor nümayəndələri Xəzər sahilində axtarış-xilasetmə əməliyyatının aparıldığı əraziyə gedərək hərbçilər və xilasedicilər üçün isti yemək, su və içkilər aparıblar.
AZXEBER.COM xəbər verir ki, yardım diaspor nümayəndələri, restoran sahibləri və digər sahibkarların şəxsi imkanları hesabına təşkil olunub.
Diasporun "Dostluq” nümayəndəsi Elmir Şahsuvarov bildirib ki, azərbaycanlılar axtarış-xilasetmə işləri başa çatana qədər ərazidə qalaraq hərbçilər və xilasedicilərə dəstək göstərməyə hazırdırlar.
Qeyd edək ki, hadisə sentyabrın 24-də Qazaxıstan Hərbi Dəniz Qüvvələrinin Mangistau vilayətində keçirdiyi təlimlər zamanı baş verib.
Qazaxıstan Müdafiə Nazirliyinin məlumatına görə, hava şəraitinin kəskin pisləşməsi və güclü külək nəticəsində 19 hərbçi dənizə düşüb.
Hadisə nəticəsində 9 hərbçinin öldüyü təsdiqlənib, 3 nəfər xilas edilib. Digər hərbçilərin axtarışları davam etdirilir.
Günel
