Xəbər verdiyimiz kimi, teleaparıcı Zamirə Dadaşova sosial şəbəkə hesabında "Azəriqaz"dan şikayətlənərək evinə gələn qəbzləri paylaşmışdı.
Teleaparıcı qaz sayğacının sıfırlanması lazım olduğu halda onun limiti keçməsi ilə bağlı gələn bildirişdən hiddətlənərək "Azəriqaz" rəhbərini sərt tənqid etimişdi: Niyə bu xalqı sevdikləri, canlarını belə verməyə hazır olduqları dövlətdən iyrəndirirsiniz? Əgər siz mənim 100-200 manatıma qalmısınızsa, gəlin istəyin verim. Mənim kimi 100-lərlə insan var bu özbaşnalıqla üz-üzədir. Deyendə də bizi borclu çıxarırlar”.
Mövzu ilə bəğlı "Azəriqaz" İstehsalat Birliyindən AZXEBER.COM-a verilən açıqlamaya görə, platformada problem olduğu üçün cari istifadə sonrakı ayın sərfiyyatına əlavə olunmaqla hesablanıb:
"Abonentin müraciəti araşdırılıb. Araşdırma zamanı məlum olub ki, sayğac göstəriciləri götürülüb, lakin proqram tərəfində problem olduğundan cari istifadə sonrakı ayın sərfiyyatına əlavə olunmaqla hesablanıb. Bu səbəbdən düzəliş olunması üçün müvafiq komissiyaya müraciət edilib. Abonentə də eyni qaydada izah verilib. Düzəliş olunduqdan sonra yeni bildiriş istehlakçıya təqdim olunacaq".
