ABŞ-nin Çikaqo şəhərində yaşayan bir kişi avtomobili ilə "Facebook"da canlı yayım edərkən güllələnərək öldürülüb.
AZXEBER.COM Qərb mediasına istinadən xəbər verir ki, onun izləyiciləri və yaxınları hadisəni izlədiyi üçün araşdırmalara başlanılıb.
Sosial şəbəkədəki izləyicilərinə son vaxtlar parkinq mübahisəsi barədə danışan Uotson bir neçə dəqiqə ərzində bu barədə izləyiciləriylə söhbət edib.
Kadrlarda görünür ki, Uotson avtomobilindən düşərək qarşıdakı kişidən hal-əhval soruşub. Sualın ardınca tək bir atəş səsi gəlib.
Ətrafdakıların xəbərdarlığından sonra hadisə yerinə təcili tibbi yardım briqadaları göndərilib və sinəsindən güllə yarası alan şəxs təcili olaraq xəstəxanaya çatdırılıb. Xəstəxanada edilən bütün səylərə baxmayaraq, 42 yaşlı kişi aldığı xəsarətlərdən keçinib.
Qeyd edək ki, hücumun görüntülərinə 2 milyondan çox insan baxıb.
