"Kapital Bank” ASC bu gündən başlayaraq Niderlandın paytaxtı Amsterdamda keçirilən və oktyabrın 13-də başa çatacaq ənənəvi "Sibos 2022” sərgi-konfransında iştirak edir. Tədbirə Bankın İdarə Heyətinin sədri Rövşən Allahverdiyevin başçılıq etdiyi nümayəndə heyəti qatılıb. Builki "Sibos” tədbiri "Dəyişən dünya üçün proqressiv maliyyə” mövzusuna həsr olunub.
Pandemiyadan sonra ilk dəfədir ki, canlı formata qayıdan sərgi-konfransda 250-dən çox beynəlxalq spiker rəqəmsal mühitdən faydalanmaq və qeyri-sabit dövrlərdə uğur qazanmaq imkanları, davamlılığın təmin edilməsi, etika və maliyyə sahəsində dünyada bu gün gündəmdə olan digər vacib mövzuları müzakirə edir. Tədbirdə "Kapital Bank”ın xüsusi stendi quraşdırılıb, iştirakçılar bank və onun fəaliyyəti haqqında ətraflı məlumat əldə edə bilirlər.
"Pandemiyaya dövründə belə "Kapital Bank” daima beynəlxalq maliyyə təşkilatları ilə sıx əməkdaşlığı davam etdirib. "Sibos” sərgi-konfransı dünyanın müxtəlif ölkələrindən və qurumlardan olan ekspertlərlə üz-üzə fikir mübadiləsi aparmaq, təcrübələri paylaşmaq üçün çox gözəl fürsətdir”, — deyə R.Allahverdiyev bildirib.
""Sibos” — hər il Ümumdünya Banklararası Maliyyə Telekommunikasiya Cəmiyyətinin (SWIFT) beynəlxalq maliyyə sənayesi üçün təşkil etdiyi və dünyanın böyük şəhərlərində baş tutan sərgi-konfransdır. Oktyabrın 9-da "Kapital Bank”ın nümayəndə heyəti builki "Sibos” səfəri çərçivəsində üzv olduğu Maliyyə və Ticarət üzrə Bankirlər Assosiasiyasının (BAFT) Qlobal İllik Yığıncağında da iştirak edib.
Ölkənin I bankı olan "Kapital Bank” "PAŞA Holdinq” MMC-yə daxildir və Azərbaycanda ən böyük filial şəbəkəsi — 112 filialı və 24 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün saytına, 196 Sorğu Mərkəzinə və yaxud Bankın müxtəlif sosial şəbəkələrdə olan səhifələrinə müraciət edə bilərsiniz. Nağd pul krediti sifarişi üçün — , "Birbank” kartı sifarişi üçün — .
