ABŞ Mərkəzi Kəşfiyyat İdarəsinin (MKİ) direktoru Con Retkliff bu həftə məxfi şəkildə Brüsselə səfər edib və Avropa İttifaqının (Aİ) yüksək səviyyəli rəsmiləri ilə görüşlər keçirib.
AZXEBER.COM APA-ya istindən xəbər verir ki, məlumatına görə, səfərin əsas məqsədi Vaşinqtonun kəşfiyyat əməkdaşlığına sadiqliyini bir daha təsdiqləmək və Avropa tərəfdaşlarını sakitləşdirmək olub.
Məsələdən xəbərdar olan üç mənbənin bildirdiyinə görə, Retkliff Aİ-nin ali diplomatı Kaya Kallas, eləcə də Avropa İttifaqının Kəşfiyyat və Situasiya Analizi Mərkəzi və Hərbi Qərargahın Kəşfiyyat İdarəsinin yüksək vəzifəli nümayəndələri ilə danışıqlar aparıb.
İki Avropa rəsmisinin sözlərinə görə, görüşün məqsədi "əsəbləri sakitləşdirmək” və ABŞ-ın Aİ ilə kəşfiyyat sahəsində sıx əməkdaşlığı davam etdirmək niyyətini göstərmək idi. Bunun səbəbi isə bəzi Avropa paytaxtlarında prezident Donald Tramp administrasiyasının xarici siyasət kursu ilə bağlı artan narahatlıqlardır.
Mənbələr qeyd edir ki, Retkliffin səfəri ictimaiyyətə elan edilməyib və məhdud dairədə baş tutub. Bununla belə, görüş Aİ və ABŞ arasında etimadı möhkəmləndirmək və qarşılıqlı məlumat mübadiləsini sabitləşdirmək istiqamətində mühüm addım kimi qiymətləndirilir.
