Mərmərə dənizinin Silivri sahillərində 10 ekipaj üzvü ilə bərabər batan gəminin yeri müəyyənləşdirilib.
Bu barədə Türkiyənin Milli Müdafiə Nazirliyi məlumat yayıb.
Gəminin yerini ilk gündən qəza bölgəsində fəaliyyət göstərən TCG Akın xilasetmə və yedək gəmisi müəyyən edib.
Gəminin qalıqlarının olduğu ərazi müəyyənləşdirildikdən sonra dənizin dibində daha ətraflı araşdırmaların aparılması, gəminin vəziyyətinin görüntülənməsi və itkin heyət üzvlərinin nəşinin tapılması istiqamətində işlərin intensivləşdirilməsi gözlənilir.
Qeyd edək ki, sentyabrın 2-si gecə saat 03:00 radələrində Mərmərə dənizinin Silivri sahillərində "ALSU” və "Tuğberk İmamoğlu” adlı iki türk bayraqlı ticarət gəmisi toqquşub. Toqquşma nəticəsində 10 ekipaj üzvünün olduğu "Tuğberk İmamoğlu” gəmisi batıb.
//apa
