Murad Arif 10 trekdən ibarət yeni albomunu təqdim edib.
AZXEBER.COM xəbər verir ki, sənətçi albomda Kamera Orkestrının müşayiəti ilə ötən əsrin hit mahnılarına yeni nəfəs verib.
Albom "Nostalgiya” adlanır və aranjemanların əksəriyyəti Nərgiz Əliyevaya məxsusdur.
Albomda Elza İbrahimova, Andrey Babayev, Nüşabə Muradova, Emin Sabitoğlunun əsərləri yer alıb.
Murad Arif albomu valideynlərinə həsr etdiyini bildirib:
"Nostalgiya”nı valideynlərimə həsr edirəm. Onların sayəsində kəşf etdiyim nəğmələrə və ifalara rəğbətimi və sayqımı bu albomla ifadə edirəm. Ümid edirəm ki, yaşlı nəsil başda olmaqla, bu musiqini dəyərləndirən hər kəs öz dünyasını bu albomda tapacaq. Düşünürəm ki, bu mahnıları orijinal ruhda yenidən dinləmək zövq verər. Sevgilərimlə yeni albomumu təqdim edirəm”.
Qeyd edək ki, albom bütün rəqəmsal platformalarda artıq onlayndır. Albomun çıxış mahnısı "Nazəndə sevgilim”dir. Əsərə süni intellektlə video da hazırlanıb.
Aysel
