Pakistan Hindistanın Hind hövzəsində Pakistana qanuni olaraq aid olan suyun axını dayandırmaq və ya başqa istiqamətə yönəltmək cəhdinin "müharibə aktı" hesab ediləcəyini bildirib.
AZXEBER.COM xarici mətbuata istinadən xəbər verir ki, Pakistan Baş Nazirliyindən verilən açıqlamada Cammu və Kəşmirdə törədilən terror aktından sonra Pakistanın baş naziri Şahbaz Şərifin rəhbərliyi ilə keçirilən Milli Təhlükəsizlik Şurasının (MTŞ) iclasında alınan qərarlara yer verilib.
Açıqlamada Hindistanın Hind Suları Müqaviləsinin dayandırılmasına dair birtərəfli qərarı rədd edilib, razılaşmanın regional sabitlik üçün əhəmiyyətli olduğu çatdırılıb və Pakistanın su hüquqlarını qorumaq əzminin vurğulanıb.
Hind Suları Müqaviləsi çərçivəsində qanuni olaraq Pakistana aid sayılan çaylarda su axınının dəyişdirilməsi cəhdinin qəbul edilməyəcəyi ifadə edilən açıqlamada, "Pakistana aid su axınının qarşısını almaq və ya başqa istiqamətə yönəltmək cəhdi müharibə elanı kimi qiymətləndiriləcək." ifadəsindən istifadə edilmişdir.
Açıqlamada Hindistanın İslamabaddakı diplomatik heyətinin 30 aprel tarixindən etibarən maksimum 30 nəfərlə məhdudlaşdırılacağı və Pakistanın hava məkanının Hindistana məxsus və ya Hindistan tərəfindən həyata keçirilən bütün uçuşlar üçün bağlanacağı vurğulanıb.
Açıqlamada Hindistanla hər cür ticarətin də dayandırıldığı və iki ölkə arasındakı Vagah Sərhəd Qapısının da dərhal bağlanacağı bildirilib.
Gülay
