Gənclər üçün Təhsil Mərkəzinin (GTM) Qarabağ ofisi “Gələcəyimiz bu günümüzdən başlayır” adlı Proqrama start verib.
AZXEBER.COM xəbər verir ki, layihə məktəbəqədər təhsil sisteminə dəstək məqsədilə keçirilir.
Məktəbəqədər təhsil vahid təhsil sisteminin ilk pilləsi olmaqla uşaqların intellektual, fiziki və psixoloji inkişafında, onların şəxsiyyətinin formalaşmasında və məktəbə hazırlanmasında xüsusi əhəmiyyətə malikdir.
Gənclər üçün Təhsil Mərkəzi nəzdində yeni yaradılmış İnklüziv Təhsil Mərkəzi Ağcabədi rayonu mərkəz olmaqla 5 rayonu əhatə edəcək. Proqramın məqsədi 2014/2015-ci tədris ili üçün bölgələrdə yerləşən baxça və məktəbəqədər təhsil müəssisələrində məktəbəqədər təhsil sisteminin inkişafına dəstək vermək, məktəbəqədər yaşlı uşaqların intellektual, fiziki və psixoloji inkişafı ilə yanaşı inklüziv təhsil sisteminin də tətbiqi üçün lazımi şəraitin yaradılmasına töhfə verməkdir.
