Quba rayonunun Küpçal və Qələdüz kəndlərinin sakinləri son vaxtlar ərazidə ayıların tez-tez müşahidə olunduğunu və vəhşi heyvanların təsərrüfatlara ziyan vurduğunu bildirirlər.
AZXEBER.COM xəbər verir ki, bu barədə Baku TV-nin videomaterialında deyilir.
Ayıların fərdi təsərrüfatlara və heyvanlara ziyan vurduğu bildirilir. Vətəndaşlar qeyd ediblər ki, qonşu kəndlərdə ayılar inəklərə hücum edərək onları yaralayıb, başqa bir kənddə isə at balasına hücum edərək onu öldürüblər.
Sakinlər yaranmış vəziyyətdən narahatdırlar və aidiyyəti qurumlardan kömək istəyirlər.
