Rusiya Ermənistanda heç bir etibarlı tərəfdaş görmür
DÜNYA
12:55 10.12.2012
1377
Rusiya Ermənistanda heç bir etibarlı tərəfdaş görmür. Bunu mətbuat konfransında Ermənistanın sabiq prezidentinin milli təhlükəsizlik məsələləri üzrə keçmiş-müşaviri Aşot Manuçaryan deyib. Onun sözlərinə görə, bu məmurlar xalqı talayır və pulları özlərinin şəxsi maraqlarına sərf edirlər: "Amma onlar ən azından bu pulları elm, sənaye, ölkənin ümumtəhsil səviyyəsinin və s. inkişafına sərf edə bilərdilər". “Bu, boynumuza qoyduqları qərb modelidir. Erməni xalqı ona məxsus düşünən və yaradıcı insanlardan təşkil olunan ənənəvi sistemə qayıtmalıdır. Amma hazırda adi erməni isə düşünür ki, kilsənin yanında ayaqyolu olmasa belə, din xadiminin “Bently”si olmalıdır. Əslində isə din xadiminin avtomobili daha sadə, kilsənin yaxınlığında isə ayaqyolları salına bilər. Amma indi "Bently" olan yerdən üfunət qoxusu gəlir”,- deyə A. Manuçaryan açıqlayıb. Rusiyaya gəldikdə isə siyasətçi deyib ki, bu ölkə Ermənistanda heç bir etibarlı tərəfdaş görmür. Prezident seçkilərində isə Rusiya manevrlər əldə etmək üçün S. Sarksiyanı dəstəkləyəcək.
