Təcavüzdə ittiham olunan məhbuslar dar ağacından asıldılar
Bütün Xəbərlər
09:37 18.04.2013
2322
İranın Xorasan Rəzəvi vilayətində 2 nəfər edam edilib. Təcavüzdə ittiham olunan məhbuslardan birinin 21, digərinin isə 41 yaşı olub. Ad və soyadları açıqlanmayan məhbuslar aprelin 17-də səhər saatlarında Məşhəd şəhərinin mərkəzi həbsxanasında dara çəkiliblər. Hər iki məhbus barəsində ölüm hökmü Xorasan Rəzəvi vilayətinin Məhkəməsi tərəfindən çıxarılıb və hökm İran Ali Məhkəməsi tərəfindən təsdiqləndikdən sonra icra olunub.Qeyd edək ki, bu həftə Şirazda 9, Zərənd şəhərində isə 1 nəfər edam edilib. Bu edamlardan 6-sı ictimaiyyətin gözü qarşısında, 4-ü isə həbsxanada icra edilib.Xatırladaq ki, “Amnesty İnternational”ın (Beynəlxalq Əfv Təşkilatı) yaydığı hesabatda İranda 2012-ci ildə 314 nəfərin edam edildiyi bildirilir. Ancaq İran insan haqları təşkilatları edamların sayına görə Çindən sonra ikinci pillədə qərarlaşmış bu ölkədə 2012-ci ildə 580 nəfərin dara çəkildiyini açıqlayıb.
