Beynəlxalq Türk Mədəniyyəti və İrsi Fondunun himayəsində yaradılan, bədii rəhbərliyini və dirijorluğunu Əməkdar artist Turan Manafzadənin etdiyi musiqi qrupu 7 Türk dünyası ölkəsi - Azərbaycan, Türkiyə, Türkmənistan, Özbəkistan, Qazaxıstan, Qırğızıstan, Macarıstanı əhatə edir.
Nizami Gəncəvinin 7 Gözəl əsərinə istinadən qurulan qrup, dünya klassikləri və türk dünyası əsərlərindən ibarət bir repertuarla konsertlərində çıxış edir.
İlk konsertini Səmərqənddə Türk Dövlətləri Təşkilatının zirvəsində verən "7 gözəl” musiqi qrupunun 3-cü konserti, Şuşa şəhərinin Türk dünyasının Mədəniyyət paytaxtı elan edilməsi ilə əlaqədar Beynəlxalq Türk Mədəniyyəti və İrsi Fondunun təşəbbüsü və Özbəkistandakı Heydər Əliyev adına Azərbaycan Mədəniyyət Mərkəzi ilə birgə layihəsi əsasında Daşkənddə keçirilən "Şuşa günləri" çərçivəsində gerçəkləşib.
Həmin tədbirdən fotoları təqdim edirik:
