Yanvarın 1-dən etibarən minimum əməkhaqqı 300 manatdan 345 manata qaldırılıb. Eləcə də dövlət büdcəsindən maliyyələşən bir sıra təşkilatlarda çalışanların əməkhaqları artırıldı.
Bəs özəl sektorlarda əməkhaqlarının artırılması üçün nə etmək lazımdır?
AZXEBER.COM xəbər verir ki, məsələ ilə bağlı "XezerXeber"ə danışan iqtisadçı ekspert Rəşad Həsənov deyib ki, dövlət sektorunda əməkhaqqı artımı özəl sektora da bu istiqamətdə təsir göstərir. Belə ki, dövlət sektorunda maaş qalxdıqda, bazarda fəaliyyət göstərən peşəkar, ixtisaslaşmış işçilərin seçim imkanı genişlənir və onlar dövlət təşkilatına üz tuturlar. Bu hadisə özəl sektoru əməhaqqını qaldırmaqla bağlı zərurət qarşısında qoyur. Ekspert əlavə edib ki, sahibkarların müxtəlif üsullarla maaş artımına təşviq etmək lazımdır:
"25 faizlik sosial sığorta haqqı çox böyük göstəricidir. Birinci bundan başlamaq lazımdır. Burada güzəştlər edilməlidir. Sahibkarın vergi öhdəlikləri aşağı salınmaqla sahibkarın daha yüksək əməkhaqqı verməsi üçün maliyyə mənbələri formalaşdırır. Əməyə tələb artanda bu, məcburən əməkhaqqının artmasına gətirib çıxardır. Bizdə hökumətin görəcəyi işlərdən biri qeyri-neft iqtisadiyyatını şaxələndirmək, inkişaf etdirməkdir. Belə olduğu halda, Azərbaycanda artıq əməyə tələb artacaq. Əməyə tələbin artması da bugünkü sərt rəqabətin zəifləməsinə gətirib çıxardacaq".
Millət vəkili, iqtisadçı Vüqar Bayramov isə bildirib ki, mövcud qanunvericiliyə əsasən 25 faiz sosial sığorta haqqının 10 faizini işçi, 15 faizini isə işəgötürən ödəyir:
"Nəzərə alsaq ki, özəl sektor əməkhaqqının artırılması ilə bağlı müstəqil, sərbəst qərar verir. Çünki dövlət sektoru deyil. Bununla belə, minimum əməkhaqqı artandan sonra özəl sektorda da əməkhaqların ən az minimum əməkhaqqı səviyyəsinə çatdırılması və bunun verilməsi məcburidir. İşə götürülənlər üçün kreditlərin artırılması, onlara bir sıra hallarda güzəştlərdən istifadə imkanı verilməsinə ehtiyac var, çünki bu halda işəgötürənlər xərcini azaldıb əməkhaqlarına gedə bilər. Bu baxımdan yalnız dövlət sektoru deyil, özəl sektoru da əhatə etməsi prioritet olmaqla qalmaqdadır".
Ətraflı "XezerXeber"in süjetində:
Mikayıl
