Bu gün gənclər və idman naziri Azad Rəhimov Ağcabədi rayonunda növbəti Olimpiya İdman Kompleksinin təməl qoyma mərasimində iştirak edib.
Gənclər və idman nazirliyinin mətbuat xidmətin AZXEBER.COM-a verilən məlumata görə, Ağcabədi Olimpiya İdman Kompleksi Azərbaycan Respublikası Prezidentinin “Abşeron və Ağcabədi rayonlarında Olimpiya İdman Komplekslərinin tikintisi ilə bağlı tədbirlər haqqında”2011-ci il 27 may tarixli, 1535 nömrəli Sərəncamı əsasında Gənclər və İdman Nazirliyinin sifarişi ilə inşa ediləcəkdir. Tikinti üçün Ağcabədi rayon İcra Hakimiyyəti tərəfindən rayon ərazisində 5,0 hektartorpaq sahəsi ayrılmışdır. Layihə-smeta sənədləri“ArchiCo İnşaat-layihə” Məhdud Məsuliyyətli Cəmiyyəti tərəfindən hazırlanmışdır. Tikinti-quraşdırma işləri “İnşaatçı” Məhdud Məsuliyyətli Cəmiyyət tərəfindən yerinə yetiriləcəkdir. Ağcabədi Olimpiya İdman Kompleksinin tikintisi işlərinin 2014-cü ilin I yarısı başa çatdırılması nəzərdə tutulmuşdur.
Baş plana əsasən inşa ediləcək bina və qurğular:
Əsas bina
Əsas bina 8 hissədən ibarətdir:
A Blokunun 1-ci mərtəbəsi üzgüçülük hovuzunun ölçüsü 25 x12,5 metr olanvə 200 tamaşaçı yerlik Üzgücülük zalından, idmançılar üçün soyunub-geyinmə otaqları, sanitar qovşaqlar, duş otaqları və həkim otaqlarından 2-ci mərtəbə isə Stolüstü tennis zalı,fotofiniş otağı, komentator otağı, nəzarətçi otağı, məşqçi otağı və sanitar qovşaqdan ibarətdir.
B Blokunun (3 mərtəbəli 58 yerlik Mehmanxana)1-ci mərtəbəsi geniş foye, mühafizə otağı,100 nəfərlik restoran, kafe və gözləmə zalı,2-ci mərtəbə7 ədəd 2 nəfərlik otaq, 1 ədəd3 nəfərlik otaq, 2 ədəd luks otaq və konfrans zalı, 3-cü mərtəbə isə 13 ədəd 3 nəfərlik otaqlardan və xoll-bar hissəsindən ibarətdir.
C Blokunun 1-ci mərtəbəsi 1000 tamaşaçı yerlik Universal idman zalı, Məşqçilər otağı, hakimlər otağı, dopinq-nəzarət otağı, inventar otağı,soyunub-geyinmə otaqları, sanitar qovşaqlar və duş otaqlarından 2-ci mərtəbəsi isə VİP lodciya, hakimlər otağı, fotofiniş otağı, və köməkçi otaqlardan ibarətdir.
D Blokunun (2 mərtəbəli əsas giriş hissəsi) 1-ci mərtəbəsində geniş foye, qarderob,55 nəfərlik kafe, tamaşaçılar üçün sanitar qovşaqlar, mağaza, bilet satışı kassası, 2-ci mərtəbədə isə Qrup məşqləri zalı, Trenajor zalı (fitnes) soyunub-geyinmə otaqları, sanitar qovşaqlar və duş otaqları nəzərdə tutulmuşdur.
E - F Blokları 100 tamaşaçı tutumu olan 2 döşəkli Güləş zalı, Boks zalı, Cüdo zalı, soyunub-geyinmə otaqları, sanitar qovşaqlar və duş otaqlarından ibarətdir.
G - H Blokları arasında 60 nəfərlik yay kafesi, mətbəx, anbar, texniki və elektrik otaqlarından ibarətdir.
Baş plana əsasən inşa ediləcək digər binalar:
1000 nəfər tamaşaçı yerlik tribunası olan Futbol stadionu
Voleybol meydançası
Tennis kortu
Yerüstü avtomobil dayanacağı
Kompleksi istiliklə təchiz edəcək Qazanxana binası
Transformator yarımstansiyası
İçməli və yanğına qarşı su anbarları
Nasosxana
Gözətçi otağı
Əlavə olaraq Kompleksə müstəqil qaz, su-kanalizasiya, elektrik, rabitə xətlərinin çəkilməsi və drenaj sisteminin quraşdırılması, ayrılmış sahənin hasarlanması, yaşıllıqların və istirahət zolaqlarının salınması, binanın müasir idman avadanlıqları, inventarlar, ləvazimat və mebel avadanlıqları ilə təchiz edilməsi, müasir isitmə-soyutma, ventilyasiya, siqnalizasiya, təhlükəsizlik müşahidə kameraları və.s qurğularla təmin edilməsi nəzərdə tutulmuşdur.
