Bərdədə işəgötürənlər üçün qadınların əmək hüquqları və iş yerlərində əməyin mühafizəsi ilə bağlı maarifləndirici tədbir keçirilib.
AZXEBER.COM xəbər verir ki, tədbir "Analığın mühafizəsi, qadınların əmək hüquqları, gender bərabərliyi” və "İş yerlərində əməyin mühafizəsi” mövzularına həsr olunub.
Tədbirdə Dövlət Əmək Müfəttişliyi Xidmətinin Qarabağ regional şöbəsinin əhatə etdiyi rayonlarda fəaliyyət göstərən müəssisə, idarə və təşkilatların 30-a yaxın nümayəndəsi iştirak edib.
İştirakçılara analığın mühafizəsi, qadınların əmək hüquqlarının təmin edilməsi, gender bərabərliyi və iş yerlərində əməyin mühafizəsi ilə bağlı qanunvericiliyin tələbləri izah olunub.
Həmçinin sağlam və təhlükəsiz əmək mühitinin formalaşdırılmasını nəzərdə tutan "Vision Zero” konsepsiyasının əsas prinsipləri barədə məlumat verilib.
Tədbirdə mövzular ətrafında fikir mübadiləsi aparılıb və iştirakçıların sualları cavablandırılıb.
