Ekologiya və Təbii Sərvətlər Nazirliyinin Milli Hidrometeorologiya Xidmətinin iyunun 2-si saat 13:00-a olan məlumatına əsasən, ölkə ərazisində hava şəraiti sabit, əsasən, yağmursuz keçib.
Xidmətdən AZXEBER.COM-a verilən xəbərə görə, cənub-şərq küləyi əsir.
Havanın temperaturu aran rayonlarında 23-27, dağlıq rayonlarda 17-19 dərəcə isti olub.
Respublikanın bəzi çaylarında sululuq artıb. Bərgüşadçayda 28 sm, Kür çayının Qıraqkəsəmən məntəqəsində 10 sm, Kür - Zərdabda 8 sm, Kür - Surrada 3 sm, Gəncəçay - Alaxançallıda 3 sm, Qabırrı - Kəsəmən, Əyriçay - Ağyazı, Katexçay - Qəbizdərə və Bəsitçay - Rəzdərədə 1 sm artım olub.
