Bu həftəsonu səma xoş xəbərlər və yeni fürsətlərlə üzə çıxır. Cümə axşamından sonra isə vəziyyət dəyişir. Ulduzların düzülüşü münasibətlərdə, maliyyə, karyera və sosial çevrədə mühüm hadisələrə təkan verə bilər. Astroloqlar xüsusilə həftəsonuna doğru tələsik qərarlar verməmək barədə xəbərdarlıq edir.
Bəs bu həftə 3 bürcü hansı mühüm hadisələr gözləyir? Musavat.com məlumatları təqdim edir:
Qoç və yüksələn Qoç
Əgər son vaxtlar həyatınızı başqalarının gözləntilərinə, münasibətinizə və ya ətrafınızdakı insanların ehtiyaclarına uyğun qurmusunuzsa, artıq "Bəs mən nə istəyirəm?” sualını daha ucadan verməyə başlaya bilərsiniz. Görünüşünüzü, davranış tərzinizi, həyat tərzinizi və ya insanlara özünüzü təqdim etmə üsulunuzu dəyişmək istəyə bilərsiniz.
Münasibətdə həddindən artıq güzəştə getdiyinizi anlayıb artıq buna dözmək istəmədiyinizi hiss edə bilərsiniz. Lakin özünüzlə bağlı verdiyiniz hər qərarın tamamilə obyektiv olduğunu düşünməyin. Emosiyalarınız güclü ola bilər. Kiməsə çox əsəbiləşə, bir neçə gün sonra isə əslində qəzəbinizin yalnız həmin insanla bağlı olmadığını anlaya bilərsiniz.
Pluton və Uranın dəstəyi sayəsində dost çevrənizdən, sosial mediadan və ya aparacağınız mühüm söhbətdən aydınlaşdırıcı məlumat əldə edə bilərsiniz. Həyatınıza yeni insanlar daxil ola bilər və ya uzun müddətdir aid olduğunuz çevrədən uzaqlaşmalı olduğunuzu anlaya bilərsiniz.
Subaysınızsa, kimsə sizi çox qısa zamanda öz təsiri altına sala bilər. Ancaq Neptunun təsirini nəzərə alaraq ilk baxışda gördüyünüz insanla onun əsl xarakterinin eyni olub-olmadığını anlamaq üçün özünüzə bir qədər vaxt verin.
Əkizlər və yüksələn Əkizlər
Yeniliklər sizin 11-ci evinizdə, yəni dostluq, sosial çevrə, komandalar, icmalar və gələcək hədəflərinizlə bağlı sahədə baş verir. Dostluq münasibətində və ya daxil olduğunuz qrupda mühüm dönüş nöqtəsi yaşaya bilərsiniz. Kiməsə münasibətiniz dəyişə və illərdir tanıdığınız bir insana qəfildən başqa gözlə baxmağa başlaya bilərsiniz. Bəziləriniz hansısa çevrədən ayrılacaq, digərləriniz isə yeni və olduqca qeyri-adi bir mühitə daxil olacaq.
Uzun müddətdir arxasınca getdiyiniz bir hədəfin nəticəsi ilə qarşılaşa və özünüzə "Mən bunu hələ də istəyirəmmi?” sualını verə bilərsiniz.
Bəzi dostluqları olduğundan artıq ideallaşdırmış ola biləcəyini görəcəksiniz. İnsanların dediklərindən daha çox etdiklərinə diqqət yetirməyiniz faydalı olacaq. Plutonun doqquzuncu evinizdən verdiyi dəstək təhsil, nəşriyyat, xaric, hüquq və ya dünyagörüşünüz vasitəsilə güclü fürsət yarada bilər.
İnternetdə tanış olacağınız biri və ya sosial mediada baş verəcək bir hadisə də diqqət çəkə bilər. Sevgi həyatınızda isə dostluqla eşq arasındakı sərhəd bir qədər qarışa bilər. Dostunuzdan birinə başqa gözlə baxmağa başlaya bilərsiniz.
Uşaqlarla və ya yaradıcı layihələrlə bağlı bir hadisə də sosial planlarınızı dəyişə bilər.
Tərəzi və yüksələn Tərəzi
Son vaxtlar basdırdığınız, görməzdən gəldiyiniz və ya "İndi bununla məşğul olmayım” deyərək təxirə saldığınız bir məsələ yenidən qarşınıza çıxa bilər. Yuxularınız və intuisiyanız olduqca fəal ola bilər. Uzun müddətdir hansısa insanla bağlı içinizdə şübhə varsa, bunun səbəbini daha yaxşı anlaya bilərsiniz.
Lakin hər intuisiyanızı ilahi mesaj kimi qəbul etməyin. Bəzən bunun səbəbi narahatlıq da ola bilər.
İş həyatınızda sizi yoran iş rejimi, daim fədakarlıq etdiyiniz çalışma tərzi və ya sağlamlığınızı laqeyd yanaşmağınıza səbəb olan vərdişlərlə bağlı artıq nəyisə dəyişməyin vaxtı çata bilər.
Gizli aparılan işlər, arxa planda baş verən məsələlər və ya hələ heç kimlə bölüşmədiyiniz planlar üzə çıxa bilər.
Plutonun karyera sahənizə dəstəyi iş həyatınızda olduqca güclü dəyişikliklərə başlaya biləcəyinizi göstərir. Uran isə pul sahənizdə yerləşdiyindən gözlənilməz gəlir, xərc və ya maliyyə qərarı bütün planlarınızı dəyişə bilər.
