Daxili xəstəliklər üzrə mütəxəssis Dosent Dr. Rıdvan Sivritepe gündəlik yorğunluğun yalnız stress və ya yuxusuzluqla bağlı olmadığını, bəzi hallarda ciddi xəstəliklərin erkən göstəricisi ola biləcəyini bildirib.
AZXEBER.COM xəbər verir ki, davamlı yorğunluq anemiya, tiroid pozğunluqları, diabet, vitamin-mineral çatışmazlığı və xroniki infeksiyalarla əlaqəli ola bilər. O, xüsusilə dəmir, B12 və D vitamini çatışmazlığının ən çox rast gəlinən səbəblərdən olduğunu qeyd edib. Həmçinin əlavələrin həkim məsləhəti olmadan qəbul edilməməli olduğunu vurğulayıb.
Mütəxəssis eyni zamanda nizamsız yuxu rejimi və balanssız qidalanmanın da enerji səviyyəsini aşağı saldığını deyib. Onun sözlərinə görə, müntəzəm idman, xüsusilə, həftədə ən azı 3 dəfə sürətli gəzinti, bədənin enerji səviyyəsini artırmağa kömək edir.
