Türkiyənin Antalya şəhərində bir modellik şirkəti "Şaxta analar” adlı layihə həyata keçirib.
AZXEBER.COM Türkiyə mətbuatına istinadən xəbər verir ki, 2009-cu ildən ənənə halına gətirilən "Şaxta Ana" çəkimləri 2020 ili üçün də həyata keçirilib.
20 modelin qatıldığı çəkiliş Tahtalı Dağın zirvəsində baş verib. Şaxta ana kostyumu geyinən modellər soyuq hava səbəbindən çətin anlar yaşayıb.
Mənfi 8 dərəcədə poz verməyə çalışan modellər tez-tez bağlı yerlərə gedərək isinməyə çalışıb. Çəkilişlərdə Melissa adlı köpəkdə modellərlə birlikdə poz verib.
Layihənin rəhbəri Esra Keskinol bu barədə danışıb: "İstər tarixi, istərsə də coğrafiyasına görə bütün dünyanın görmək istədiyi bir şəhərdə yaşayırıq. Şaxta baba Antalyanın Demre bölgəsində yaşayıb. Bu layihəni 10 il bundan öncə başlatdıq. Bu il çəkimləri Tahtalı Dağda etməyimizin səbəbi buranın Tanrılar Dağı olaraq bilinməsidir. Buranın Zevs və Hera tanrılarına ev sahibliyi etdiyinə inanırlar. Dünyanın hər bir yerindən turistər Tanrılar Dağını görməyə gəlir".
Mələk Cabbar
