Aktyor Murad İsmayıl bir neçə gün əvvəl dünyasını dəyişən aktrisa Çimnaz Sultanovadan yazıb.
AZXEBER.COM xəbər verir ki, o, sənət adamlarının onun yasına gəlməməsinə, sosial şəbəkədə ünvanına təhqirlər yazılmasına belə münasibət bildirib:
"Çox üzüldüm... Allah rəhmət eləsin. Bərabər seriala çəkildiyimiz müddətdə bir dəfə də kiminsə xətrinə dəydiyini görməmişəm. Ölənin arxasınca da pis nəsə yazanları anlamıram. Bəli, nümunəvi həyat yaşamayıb. Etdiyi savabların da, günahların da cavabını Allaha verəcək. Hər kəs özünə cavabdehdi. Ən azı Çimnaz bir çoxları kimi maskalanmamışdı. Necə istəyirdisə, ele də həyatını yaşayırdı".
Qeyd edək ki, Ç.Sultanova bağırsaq xərçəngindən vəfat edib.
