Fransanın PSJ klubunun qapıçısı Keylor Navas karyerasını İngiltərədə davam etdirə bilər.
AZXEBER.COM "Report"a istinadən xəbər verir ki, 37 yaşlı qolkiper "Nottingem Forest"lə şəxsi razılıq əldə edib.
Tərəflər arasındakı danışıqlar isə davam edir. Paris təmsilçisi kosta-rikalı oyunçunu icarə əsasında göndəriləcəyi təqdirdə ona maaş vermək istəmir.
Navasın keçidi PSJ-nin yekun qərarından asılı olacaq.
Qeyd edək ki, Keylor Navas 2019-cu ildən Paris klubunda çıxış edir. Onun sözləşməsi 2024-cü ilin yayında başa çatmalıdır.
