Rüstəm İbrahimbəyovun erməni xiffəti

Rüstəm bəyin müsahibəsi o qədər uzun olub ki, hətta ən radikal müxalif qəzetlər belə yazını ixtisarla verib. Azərbaycan oxucusuna ixtisarla təqdim olunan müsahibə rus auditoriyasına ümumiyyətlə maraqlı olmayıb. Saytda müsahibənin oxunma sayına baxsaq görərik ki, Rüstəm bəy Rusiyada heç min nəfər üçün də maraqlı deyil.Yəqin ki, bu qəzetin rəhbərliyi də İbrahimbəyovun köhnə dostlarındandır və onun müsahibə xahişini yerə salmağa üzləri olmayıb və saytlarında ona yer ayırıblar. Çox uzatmadan keçək İbrahimbəyovun müsahibəsinə.Azərbaycan müxalifətinin 73 yaşlı lideri ilk olaraq Azərbaycan Xalq Cəbhəsi (AXC) hakimiyyət illərindən danışır və qeyd edir ki, onlar ölkəni idarə edə bilmirdi, amma onun AXC höküməti ilə çox yaxşı münasibəti var idi. Əslində, bu sözlər onu göstərir ki, Rüstəm bəy üçün hər şeydən üstün şəxsi maraqları, ambisiyalarıdır.Yəni hakimiyyətdəkilər onunla dost olsun kifayətdir. Əgər belə olmasaydı İbrahimbəyov 1992-93-cü illərdə ölkədə yaranan iqtisadi böhrandan, siyasi gərginlikdən danışardı. Rüstəm bəy o zamanki hakimiyyətlə münasibətləri yaxşı olduğuna görə, ölkənin parçalanma təhlükəsi haqda bir cümlə də işlətməyib və bu gün də həmin şəxslərlə eyni cəbhədə təmsil olunur, hətta həmin adamlara ağsaqqallıq etməkdən də çəkinmir.Rejissor daha sonra Bakı haqda danışır və qeyd edir ki, Bakının panoraması tam pozulub və buna səbəb Bakıya əyalətlərdən gələn 2 milyon adamdır.Bu yerdə Rüstəm İbrahimbəyova xatırlatmaq lazımdır ki, bu 2 milyon insandan 1 milyonu məcburi köçkündür, onun dost dediyi ermənilər tərəfindən öz doğma torpaqlarından qovulub.Bakıdakı demoqrafik partlayış təhlükəsindən danışan Rüstəm bəy görəsən həmin o 1 milyon insanın hüquqlarından niyə danışmır?Çünki bu İbrahimbəyova sərf etmir, o hər kəlməsini deyəndə yalnız Rusiyadakı başbilənlərini düşünür, onlara yaxşı görünməyə çalışır.Milli Şura sədri deyir ki, “prezident olsam cəmi 2 illik olacam, sonra parlament seçkisi keçirib hakimiyyəti parlamentə verəcəm”.Əslində, bu Rüstəm bəyin xəyallarının məhsuludur və belə bir şey heç bir zaman ola bilməz. Çünki ağlı başında olan adam Rüstəm İbrahimbəyovu ən yaxşı halda rejissor kimi qəbul edər, onun siyasətçi, prezident ola bilməyəcəyini qardaşı Maqsud İbrahimbəyov da dəfələrlə dilə gətirib.Ancaq madam ki, İbrahimbəyov belə bir şey xəyal edir, ona təklif edərdim ki, “youtube”yə daxil olub, indiki silahdaşlarının 1992-93 illərdə parlamentdə çıxartdığı oyunlara bir daha baxsın. Əslində, bütün günü “skype”də olan insan üçün “youtube”yə girib, belə videolara baxması çətin olmamalıdır.Müsahibəyə nəzər yetirəndə aydın olur ki, müxalifətin vahid namizədi Rüstəm İbrahimbəyov “Kavkazskaya politika” saytına müsahibəsini Azərbaycan xalqına deyil, ermənilərə yaxşı görünmək üçün verib. Aşağıdakı sözlər də bunu bir daha sübut edir:“Biz Qarabağı verməməliyik, amma ermənilərə demokratiya, azərbaycanlılarla eyni hüquqlar, korrupsiyaya qarşı mübarizə təminatı verməliyik. İş orasındadır ki, Qarabağ təkcə torpaq deyil. Qarabağ eyni zamanda regionun erməni əhalisi deməkdir. Və biz bu torpağı erməni əhalisi ilə birgə qaytara bilərik. Ona görə biz Qarabağın erməni əhalisini dediklərimə inandırmalıyıq. Ermənilər ağıllı və anlayan xalqdır. Düşünürəm ki, onlar bizi anlayacaqlar”.Görəsən, İbrahimbəyov nəyi düşünüb, ermənilərə ağıllı və anlayışlı xalq deyir. Hər müsahibəsində “mən güclü siyasətçi deyiləm” deyərək məsuliyyətdən yayınmaq istəyən Rüstəm bəyə xatırlatmaq istərdik ki, ölkənin tarixini bilməyən insana nəinki siyasətdə, heç cəmiyyətdə də yer yoxdur.Rüstəm İbrahimbəyova xatırlamaq lazımdır ki, ermənilər heç bir zaman bizi yaxşı anlaya və başa düşə bilməzlər.Çünki onların 1 milyondan çox qaçqını, 20%-dən çox işğal olunmuş torpağı, soyqırımında öldürülən minlərlə vətəndaşı və ən nəhayət Rüstəm İbrahimbəyov kimi öz xalqını aşağılayıb, düşməni göylərə qaldıran müxalifət lideri yoxdur .