Bu, Avstriyanın Azərbaycandakı səfiri cənab Tomas Shuller Götzburgun xanımı Tran ThiKhanh Trangın təşəbbüsü ilə Şərq və Qərbi birləşdirən körpülər silsiləsindən ilk tədbir idi.
AZXEBER.COM xəbər verir ki, əslən Vyetnamlı olan xanım Trangın öz mənzilində böyük sevgiylə təşkil etdiyi bu tədbirin mövzusu -Nəsimi, onun ədəbi və fəlsəfi yaradıcılığı idi. Tədbirin digər təşkilatçısı isə ixtisasca həkim olan, ədəbi, fəlsəfi irsimizi sevib təbliğ edən, klassik ədəbi şəxsiyyətlərimiz, eləcə də, Nəsimi barədə geniş məlumata malik olan Arzu Rüstəmova idi.
O və rəhbərlik etdiyi Uşaqların Sağlam Gələcəyi İctimai Birliyi Erkən Müdaxilə MərkəzininAvstriya səfirliyi ilə birgə dostluq yə əməkdaşlığı sayəsində böyük Nəsimi bir daha yad edildi, beynəlxalq auditoriyaya təqdim edildi.
Tədbirdə Azərbaycanda fəaliyyət göstərən bir çox səfirliklərin əməkdaşları iştirak edirdilər.
Nəsiminin "Neylərəm", "Sığmazam" və digər əsərləri Səbinə Ərəblinin təkrarsız ifasında məclisə sehrli bir ovqat verdi. Tədbirin məxsusi ruhu, fərqli mədəniyyət daşıyıcılarını ortaq bir nöqtədə valeh edə bilməsi, Nəsimi dühasına heyranlıq bir daha göstərdi ki, Qərb və Şərqi birləşdirən bu ortaq dəyərlər üzərindən yola çıxaraq dünyada bir çox ziddiyyətləri cözməkmümkündür.
Tədbirdə filologiya elmləri üzrə fəlsəfə doktoru Səadət Şıxıyeva çıxış edərək Nəsimi və hürufiliyin dinlər və millət arasındakı barışdırıcılığı təbliğ etdiyini, Nəsimi və mənsub olduğu hürufiliyin təsir dairəsinə Balkanlardan Hindistanadək böyük bir coğrafiyaya aid söz və fikir insanlarının daxil olduğunu vurğuladı. Nəsimi və hürufiliyin Azərbaycanla bağlı olub geniş coğrafiyada eşq fəlsəfəsini təbliğ etdiyini, bu eşqin Yaradanla birgə yaradılmışa da yönəlik olduğunu nəzərə çatdırdı.
Tədqiqatçı hürufiliyin Qərb, xüsusilə yunan fəlsəfəsindən təsirlənməklə yanaşı, özündən sonra geniş coğrafiyada nüfuz dairəsi yaratmasına da diqqəti çəkdi.
Bir sözlə, Avstriyanın Azərbaycandakı səfiri cənab Tomas Shuller Götzburg və xanımı Tran Thi Khanh Trangın böyük qonaqpərvərliklə səfirliyin iqamətgahında keçirdikləri bu məclis sözün əsil mənasında, elm, ədəbiyyat, fəlsəfə, incəsənət keçəsinə çevrildi. Bütün bunların vəhdətindən yaranmış Nəsimi poeiyasının bəşəri dəyrləri, birləşdirici, sülhpərvər mahiyyəti vurğulandı.
Tədbirin təşkilində zəhmməti keçən "Uşaqların Sağlam Gələcəyi” İB-nin rəhbəri, gözəl ziyalımız, həkim Arzu xanım Rüstəmovaya cənab səfirə, onun xanımına, digər səfirliklərdən gələn qonaqlara dərin minnətdarlığını bildirərək, qeyd etdi ki, xalqlar bir birlərini tanıması, yaxınlaşmağa mədəniyyətlər arasında körpülər qurmaqla başlamalıdırlar.
