Bakı Dövlət Universiteti, Qafqaz Universiteti, Türkiyə Ədliyyə Akademiyası və Ondokuz Mayıs Universitetinin birgə təşkilatçılığı ilə 04-06 may 2012-ci il tarixlərində Türkiyə Respblikasının Samsun şəhərində “Hüquq elminin aktual problemləri” mövzusunda III Beynəlxalq Konfrans keçirilib.
BDU-nun Mətbuat və informasiya şöbəsindən AZXEBER.COM-a verilən məlumata görə, həmin Konfransda Bakı Dövlət Universiteti geniş nümayəndə heyəti ilə təmsil olunub.
Konfransın Plenar İclasında Azərbaycan Respublikasının Ombudsmanı professor Elmira Süleymanova, Bakı Dövlət Universitetinin rektoru, akademik Abel Məhərrəmovun adından isə BDU-nun Hüquq fakültəsinin dekanı, h.e.d., professor Əmir Əliyev çıxış ediblər. Bundan başqa, ayrı-ayrı bölmələr üzrə Ombudsman Elmira Süleymanova “Hüquq təhsilində və hüquqi məlumatlandırmada Ombudsmanın rolu” mövzusunda, prof. Əmir Əliyev isə “İnsan hüquqları ilə əıaqədar beynəlxalq standartların milli konstitusiyalarda təsbiti” mövzusunda elmi məqalə ilə çıxış ediblər.
Konfransda Konstitusiya hüququ, Mədəni hüquq, Beynəlxalq hüquq, Cinayət hüququ, Ticarət hüququ, İş və sosial təhlükəsizlik hüququ, Hüquq fəlsəfəsi və Türk hüquq tarixi, İdarə hüququ, İdman hüququ seksiyaları üzrə aparılan geniş elmi müzakirələrdə BDU-nun bir qrup müəllim və professor heyəti, o cümlədən, h.e.d.,prof. R.F.Məmmədov, h.e.d.,prof. A.M.Qasımov, h.e.d., prof. M.N.Əliyev, h.e.f.d, dos. M.X.Yolçuyev, h.e.f.d , dos. S.S.Süleymanlı, h.e.f.d., dos. F.S.Mehdiyev, baş müəllim E.H.Nəsirov, və h.ü.f.d. S.F.Əliyev müxtəlif mövzularda elmi məruzələr ediblər.
