Şotlandiya Milli Sağlamlıq Xidmətinin, Qlazqo və Edinburq universitetlərinin alimlərinin araşdırmalarına görə, koronavirus insanlarda orta ömür uzunluğunu təxminən 10 il azaldır.
AZXEBER.COM "Qafqazinfo”ya istinadən xəbər verir ki, bu barədə "Wellcome Open Research” portalında dərc edilmiş bir araşdırmada qeyd olunub.
Mütəxəssislər İtaliyada koronavirus infeksiyası olan xəstələr haqqında məlumatları Ümumdünya Səhiyyə Təşkilatı tərəfindən xüsusi hazırlanmış şkala ilə müqayisə edərək insanların koronavirus səbəbindən neçə il itirdiyini hesablayıblar.
Müşahidələrə görə, koronavirusdan ölən kişilər həyatlarından orta hesabla 13 il, qadınlar isə 11 il itirib. Bu o deməkdir ki, koronavirusa yoluxmadıqda həmin insanların ən az daha 10 il yaşamaq ehtimalları olub.
"Bu kimi məlumatlar hökumətlərin və ictimaiyyətin COVID-19-un təsirini səhv qiymətləndirməmələri üçün vacibdir”,- deyə araşdırmaya rəhbərlik edən Dr. Mak-Allister bildirib.
